Páll Pétursson
:
Frú forseti. Hér er Alþingi að ganga frá aðild Íslands að Evrópsku efnahagssvæði. Þetta er að mínum dómi mikið óheillaspor. Samningurinn samræmist ekki hinni íslensku stjórnarskrá, samningurinn er í mörgum greinum Íslandi óhagstæður og að samningsgerðinni hefur af Íslands hálfu verið illa staðið, hagsmuna Íslands hefur ekki verið sómasamlega gætt og í sumum tilfellum jafnvel fórnað.
Ég lýsi fullri ábyrgð á hendur þeim alþingismönnum sem greiða þessum gerningi atkvæði sitt. Það er sögunnar að dæma þá. Ég segi nei.
Frú forseti. Hér er Alþingi að ganga frá aðild Íslands að Evrópsku efnahagssvæði. Þetta er að mínum dómi mikið óheillaspor. Samningurinn samræmist ekki hinni íslensku stjórnarskrá, samningurinn er í mörgum greinum Íslandi óhagstæður og að samningsgerðinni hefur af Íslands hálfu verið illa staðið, hagsmuna Íslands hefur ekki verið sómasamlega gætt og í sumum tilfellum jafnvel fórnað.
Ég lýsi fullri ábyrgð á hendur þeim alþingismönnum sem greiða þessum gerningi atkvæði sitt. Það er sögunnar að dæma þá. Ég segi nei.