Jóhann Ársælsson
(andsvar)
:
Virðulegi forseti. Ég ætla að vona að mér hafi ekki orðið á einhver mismæli. Ég var fyrst og fremst að gagnrýna hér áðan þetta stóra verkefni ríkisstjórnarinnar sem hún kallaði svo, átak í atvinnumálum, en ekki skilgreininguna á stórverkefnunum. Þar hafa menn mismunandi skoðanir og ég get vel skilið að þar séu ekki allir sammála um hvernig á að taka á hlutunum. Ég hef aftur á móti sagt og endurtek það hér að ég hef ekki gert athugasemdir við þessa nýju skilgreiningu og vil bara að það sé alveg skýrt.
