Ólafur Ragnar Grímsson
:
Virðulegi forseti. Ég get í sjálfu sér alveg tekið undir það að skynsamlegast er að utanrrh. fari að ganga til hvílu og að við öll gerum það einnig, enda hefur dagurinn verið erfiður. En vegna þess að hæstv. utanrrh. hefur notað þann rétt sem hann hefur í þingsköpum til að tala oftar en aðrir menn þótt hann hafi hins vegar sagt að engin ástæða sé til þess að kalla sig til þessarar umræðu vegna þess að hún heyri ekki undir hann og hleypur þá frá einu víginu til annars eftir því sem honum hentar. Stundum eru rök hans í málinu: Þetta mál heyrir ekki undir mig þannig að það getur enginn maður óskað eftir því að ég sé við umræðuna. ( Utanrrh.: Er hv. þm. að bera af sér sakir?) Ég kem að því, hæstv. utanrrh. Það er alveg óþarfi fyrir ráðherrann að vera svona órór. Það er hins vegar merkilegt að hann sem er svona órór í þessari umræðu og segir í öðru orðinu að heyri ekki undir sig og komi honum ekki við, sé að halda þinginu langt fram eftir nóttu, hlaupandi manna oftast og tíðast í ræðustólinn og talandi sjálfur helminginn af þeim tíma sem liðinn er frá miðnætti.
Hann var að bera mig þeim sökum að það væri einhver mótsögn í því sem ég var að segja og missögn milli þess sem ég hef sagt nú á síðustu mínútum og þess sem hv. þm. Steingrímur Hermannsson hefur verið að segja. Ég vil svara hæstv. utanrrh. með því að benda honum á að sá hinn sami forsrh., Steingrímur Hermannsson, sem flutti þá fyrirvara fyrir hönd Íslands sem hæstv. utanrrh. hefur talið haldreipi sitt í umræðunni nú og oft áður, hefur nú lýst því yfir á Alþingi Íslendinga að hann telji sér ekki kleift að greiða EES-samningnum atkvæði nema stjórnarskránni verði breytt. Ef hæstv. utanrrh. metur þá yfirlýsingu svo mikils sem þáv. hæstv. forsrh., Steingrímur Hermannsson, gaf fyrir hönd íslenska lýðveldisins, væri þá ekki rétt fyrir hann að meta jafnmikils að sá hinn sami maður telur sér ekki kleift að greiða EES-samningnum atkvæði nema stjórnarskránni verði breytt? Það er samhengið í því sem við erum að segja og erum að reyna að fá þingið til að gera og munum reyna að nota nefndarstörfin um frv. til þess að leiða stjórnarliðum fyrir sjónir að er hin skynsamasta leið.
Virðulegi forseti. Ég get í sjálfu sér alveg tekið undir það að skynsamlegast er að utanrrh. fari að ganga til hvílu og að við öll gerum það einnig, enda hefur dagurinn verið erfiður. En vegna þess að hæstv. utanrrh. hefur notað þann rétt sem hann hefur í þingsköpum til að tala oftar en aðrir menn þótt hann hafi hins vegar sagt að engin ástæða sé til þess að kalla sig til þessarar umræðu vegna þess að hún heyri ekki undir hann og hleypur þá frá einu víginu til annars eftir því sem honum hentar. Stundum eru rök hans í málinu: Þetta mál heyrir ekki undir mig þannig að það getur enginn maður óskað eftir því að ég sé við umræðuna. ( Utanrrh.: Er hv. þm. að bera af sér sakir?) Ég kem að því, hæstv. utanrrh. Það er alveg óþarfi fyrir ráðherrann að vera svona órór. Það er hins vegar merkilegt að hann sem er svona órór í þessari umræðu og segir í öðru orðinu að heyri ekki undir sig og komi honum ekki við, sé að halda þinginu langt fram eftir nóttu, hlaupandi manna oftast og tíðast í ræðustólinn og talandi sjálfur helminginn af þeim tíma sem liðinn er frá miðnætti.
Hann var að bera mig þeim sökum að það væri einhver mótsögn í því sem ég var að segja og missögn milli þess sem ég hef sagt nú á síðustu mínútum og þess sem hv. þm. Steingrímur Hermannsson hefur verið að segja. Ég vil svara hæstv. utanrrh. með því að benda honum á að sá hinn sami forsrh., Steingrímur Hermannsson, sem flutti þá fyrirvara fyrir hönd Íslands sem hæstv. utanrrh. hefur talið haldreipi sitt í umræðunni nú og oft áður, hefur nú lýst því yfir á Alþingi Íslendinga að hann telji sér ekki kleift að greiða EES-samningnum atkvæði nema stjórnarskránni verði breytt. Ef hæstv. utanrrh. metur þá yfirlýsingu svo mikils sem þáv. hæstv. forsrh., Steingrímur Hermannsson, gaf fyrir hönd íslenska lýðveldisins, væri þá ekki rétt fyrir hann að meta jafnmikils að sá hinn sami maður telur sér ekki kleift að greiða EES-samningnum atkvæði nema stjórnarskránni verði breytt? Það er samhengið í því sem við erum að segja og erum að reyna að fá þingið til að gera og munum reyna að nota nefndarstörfin um frv. til þess að leiða stjórnarliðum fyrir sjónir að er hin skynsamasta leið.