Sjávarútvegsráðherra (Þorsteinn Pálsson)
(andsvar)
:
Herra forseti. Það er svo að stjórn Fiskveiðasjóðs sem fer með málefni Hagræðingarsjóðs ber að fara að lögum. Gildandi lög í landinu mæla fyrir um það að hún skuli bjóða kvóta Hagræðingarsjóðs með forkaupsrétti til kvótahafa þegar í byrjun fiskveiðiárs og stjórnin getur ekki á nokkurn hátt aðhafst með öðrum hætti en að fylgja eftir gildandi lögum. Ég tel að það sé ómaklega vegið hér að stjórnarmönnum í Fiskveiðasjóði með þeim athugasemdum sem hv. 1. þm. Austurl. gerði hér. Þeir geta ekki sem í stjórninni sitja farið eftir frumvörpum sem fyrir liggja á Alþingi, jafnvel þó að einhverjir þeirra kunni að vera þeim sammála. Það er vitað mál að sumir fulltrúar sem sitja í stjórn Fiskveiðasjóðs eru fulltrúar samtaka sem hafa ályktað um það efni að nota bæri Hagræðingarsjóðinn í þeim tilgangi að jafna þorskveiðiáfallið. Þótt þeir hafi haft þessa skoðun og séu fulltrúar samtaka sem hafa slíka skoðun þá sitja þeir í stjórn og ber lögum samkvæmt að fara að þeim lögum sem um þá stofnun gilda og það er ekki hægt að segja þeim það til álitshnekkis eða áfellis.
Herra forseti. Það er svo að stjórn Fiskveiðasjóðs sem fer með málefni Hagræðingarsjóðs ber að fara að lögum. Gildandi lög í landinu mæla fyrir um það að hún skuli bjóða kvóta Hagræðingarsjóðs með forkaupsrétti til kvótahafa þegar í byrjun fiskveiðiárs og stjórnin getur ekki á nokkurn hátt aðhafst með öðrum hætti en að fylgja eftir gildandi lögum. Ég tel að það sé ómaklega vegið hér að stjórnarmönnum í Fiskveiðasjóði með þeim athugasemdum sem hv. 1. þm. Austurl. gerði hér. Þeir geta ekki sem í stjórninni sitja farið eftir frumvörpum sem fyrir liggja á Alþingi, jafnvel þó að einhverjir þeirra kunni að vera þeim sammála. Það er vitað mál að sumir fulltrúar sem sitja í stjórn Fiskveiðasjóðs eru fulltrúar samtaka sem hafa ályktað um það efni að nota bæri Hagræðingarsjóðinn í þeim tilgangi að jafna þorskveiðiáfallið. Þótt þeir hafi haft þessa skoðun og séu fulltrúar samtaka sem hafa slíka skoðun þá sitja þeir í stjórn og ber lögum samkvæmt að fara að þeim lögum sem um þá stofnun gilda og það er ekki hægt að segja þeim það til álitshnekkis eða áfellis.