Forsætisráðherra (Davíð Oddsson)
(andsvar)
:
Herra forseti. Hv. þm. veit það vel að ágreiningur hefur verið um það hvort Hagræðingarsjóðurinn væri notaður með þeim hætti sem ríkisstjórnin ákvað. Sá ágreiningur hefur verið staðfestur hér í þinginu. Ríkisstjórnin hefur ekki breytt um stefnu í þeim efnum og hefur svarað því mjög skýrt þannig að Hagræðingarsjóðurinn er í þessu tilviki ekki inni í myndinni af hálfu ríkisstjórnarinnar.
