Stefán Guðmundsson
:
Hæstv. forseti. Í framhaldi af þessum fyrirspurnum hef ég áhuga fyrir að beina fyrirspurn til hæstv. utanrrh. hvort rétt sé, eins og segir í Morgunblaðinu í dag, að enginn samningafundur hafi verið haldinn um tvíhliða viðræður Íslendinga við Evrópubandalagið vegna gagnkvæmra skipta á veiðiheimildum síðan 26. júní í vor. Er það rétt að enginn fundur hafi verið haldinn um þetta mál síðan 26. júní í vor?
