Forseti (Salome Þorkelsdóttir)
:
Borist hefur eftirfarandi bréf, dags. 23. nóv. 1992:
,,Þar sem ég, vegna veikinda, get ekki sótt þingfundi á næstunni leyfi ég mér með vísan til 2. mgr. 53. gr. laga um þingsköp Alþingis að óska eftir því að vegna sérstakra anna 1. varaþingmanns Alþb. í Suðurl. taki 2. varaþingmaður Alþb. í Suðurlandskjördæmi, Anna Kristín Sigurðardóttir, kennari á Selfossi, sæti á Alþingi í fjarveru minni.
Þetta er yður hér með tilkynnt, virðulegi forseti.``
Undir bréfið ritar Margrét Frímannsdóttir, 4. þm. Suðurl.
Þá hefur borist annað bréf, dags. í Vestmannaeyjum 23. nóv. 1992:
,,Ég undirritaður varaþingmaður Alþb. í Suðurlandskjördæmi get því miður ekki tekið sæti Margrétar Frímannsdóttur, 4. þm. Suðurl., í fjarveru hennar nú. Ástæður þess eru önnur óhjákvæmileg störf mín.``
Undir þetta bréf ritar Ragnar Óskarsson, Hásteinsvegi 28, Vestmannaeyjum.
Anna Kristín Sigurðardóttir hefur áður tekið sæti á Alþingi og er boðin velkomin til starfa.
