Jóhannes Geir Sigurgeirsson
(andsvar)
:
Virðulegi forseti. Ég þakka hæstv. fjmrh. fyrir svarið og staðfestingu á því sem hér hefur flogið fyrir að meira að segja þessar skrautfjaðrir hæstv. núv. ríkisstjórnar séu í stórhættu og verði e.t.v. reyttar af milli umræðna í fjárlögunum. Ég tala nú ekki um það sem maður heyrir í viðræðum við menn að þessu sé óspart beitt í þvingunaraðgerðum til þess að reyna að pína fram einhverja niðurstöðu fram í fjármálunum.
