Frsm. meiri hluta utanrmn. (Björn Bjarnason)
(andsvar)
:
Frú forseti. Hv. síðasti ræðumaður vitnaði til þess að ég hafi lesið hér ályktun síðasta Alþýðusambandsþings og hann leitaðist við að túlka þá ályktun á þann veg að Alþýðusambandið væri andvígt aðild Íslands að Evrópska efnahagssvæðinu. Þingmaðurinn las einnig tillögu sem lá fyrir þinginu og í ljósi þeirrar tillögu er alveg skýrt að ályktun þingsins er stuðningur við aðild Íslands að Evrópska efnahagssvæðinu.
Hv. ræðumaður kom að því hér hvað eftir annað í ræðu sinni að þeir þingmenn, sem ætla að sitja hjá á Alþingi við afgreiðslu þessa máls, séu stuðningsmenn málsins og ef ályktun Alþýðusambandsins er hjáseta með þeim hætti og í ljósi þeirrar tillögu, sem lá til grundvallar, er alveg ljóst af hans eigin orðum að það beri að líta á afstöðu Alþýðusambandsins sem stuðning við aðild Íslands að Evrópska efnahagssvæðinu.
Frú forseti. Hv. síðasti ræðumaður vitnaði til þess að ég hafi lesið hér ályktun síðasta Alþýðusambandsþings og hann leitaðist við að túlka þá ályktun á þann veg að Alþýðusambandið væri andvígt aðild Íslands að Evrópska efnahagssvæðinu. Þingmaðurinn las einnig tillögu sem lá fyrir þinginu og í ljósi þeirrar tillögu er alveg skýrt að ályktun þingsins er stuðningur við aðild Íslands að Evrópska efnahagssvæðinu.
Hv. ræðumaður kom að því hér hvað eftir annað í ræðu sinni að þeir þingmenn, sem ætla að sitja hjá á Alþingi við afgreiðslu þessa máls, séu stuðningsmenn málsins og ef ályktun Alþýðusambandsins er hjáseta með þeim hætti og í ljósi þeirrar tillögu, sem lá til grundvallar, er alveg ljóst af hans eigin orðum að það beri að líta á afstöðu Alþýðusambandsins sem stuðning við aðild Íslands að Evrópska efnahagssvæðinu.