Guðrún Helgadóttir
(andsvar)
:
Frú forseti. Það væri verðugt verkefni t.d. fyrir hæstv. heilbrrh. að taka saman hversu mörg eldhús í stofnunum fyrir aldraða sem byggð hafa verið fyrir Framkvæmdasjóð aldraðra eru í notkun. Áfram eru byggðar þjónustustofnanir fyrir gamalt fólk með stofu og litlu eldhúsi. Þar sem ég hef komið hefur ekki eitt einasta af þessum eldhúsum verið í notkun. Það er nefnilega einhvern veginn þannig að þegar fólk er komið inn á þessar stofnanir, þó að hugmyndin hafi upphaflega verið að hver hefði sína litlu íbúð, þá verður fólk einhvern veginn einungis eins og sjúklingar á stofnun. Fólk notar ekki þessi eldhús og það þýðir ekkert að neita því. Þegar hv. fjárln. fór kynnisferð um Reykjanes á síðasta ári og við skoðuðum hið nýja og glæsilega heimili í Grindavík, þá spurði ég forstöðukonu þar hvort engum hefði dottið í hug að sleppa öllum þessum eldhúsum, öllum þessum ísskápum og eldavélum --- og sé ég nú að hv. 16. þm. Reykv. lítur til mín alvarlegur í bragði, en hann gæti kannski sagt okkur hvað margir nota eldhúsið sitt á Hrafnistu í Hafnarfirði. Svipurinn sagði meira en svarið.
Mér finnst þetta vera sóun á peningum. Annaðhvort er stjórnun stofnananna letjandi fyrir gamla fólkið, reksturinn letjandi fyrir gamla fólkið að nýta þessi þægindi eða þessi þægindi eru út í hött og þá á heldur ekki að vera að eyða peningum í þau. Og ég þekki dæmi þar sem fólk hefur beðið um að eldhúsinnréttingin væri fjarlægð svo að stofan stækkaði. Það er auðveldara að fara niður og fá kaffi á könnu til að hafa með sér upp. Þetta er bara svona eitt dæmi um sóun sem þjónar ekki nokkrum einasta tilgangi.
Frú forseti. Það væri verðugt verkefni t.d. fyrir hæstv. heilbrrh. að taka saman hversu mörg eldhús í stofnunum fyrir aldraða sem byggð hafa verið fyrir Framkvæmdasjóð aldraðra eru í notkun. Áfram eru byggðar þjónustustofnanir fyrir gamalt fólk með stofu og litlu eldhúsi. Þar sem ég hef komið hefur ekki eitt einasta af þessum eldhúsum verið í notkun. Það er nefnilega einhvern veginn þannig að þegar fólk er komið inn á þessar stofnanir, þó að hugmyndin hafi upphaflega verið að hver hefði sína litlu íbúð, þá verður fólk einhvern veginn einungis eins og sjúklingar á stofnun. Fólk notar ekki þessi eldhús og það þýðir ekkert að neita því. Þegar hv. fjárln. fór kynnisferð um Reykjanes á síðasta ári og við skoðuðum hið nýja og glæsilega heimili í Grindavík, þá spurði ég forstöðukonu þar hvort engum hefði dottið í hug að sleppa öllum þessum eldhúsum, öllum þessum ísskápum og eldavélum --- og sé ég nú að hv. 16. þm. Reykv. lítur til mín alvarlegur í bragði, en hann gæti kannski sagt okkur hvað margir nota eldhúsið sitt á Hrafnistu í Hafnarfirði. Svipurinn sagði meira en svarið.
Mér finnst þetta vera sóun á peningum. Annaðhvort er stjórnun stofnananna letjandi fyrir gamla fólkið, reksturinn letjandi fyrir gamla fólkið að nýta þessi þægindi eða þessi þægindi eru út í hött og þá á heldur ekki að vera að eyða peningum í þau. Og ég þekki dæmi þar sem fólk hefur beðið um að eldhúsinnréttingin væri fjarlægð svo að stofan stækkaði. Það er auðveldara að fara niður og fá kaffi á könnu til að hafa með sér upp. Þetta er bara svona eitt dæmi um sóun sem þjónar ekki nokkrum einasta tilgangi.