Ferill 121. máls. Aðrar útgáfur af skjalinu: Word Perfect.
1992. – 1062 ár frá stofnun Alþingis.
116. löggjafarþing. – 121 . mál.
141. Fyrirspurn
til sjávarútvegsráðherra um rannsóknir á botnlægum tegundum á grunnsævi.
Frá Hjörleifi Guttormssyni.
Hvað hafa stjórnvöld aðhafst til að framfylgja ályktun Alþingis frá 1987 um að láta fara fram rannsóknir á botnlægum tegundum á grunnslóð og kortlagningu slíkra miða?
Greinargerð.
Alþingi samþykkti svohljóðandi ályktun 24. febrúar 1987:
„Alþingi ályktar að fela ríkisstjórninni að beita sér fyrir að fram fari skipulegar rannsóknir á botnlægum tegundum á grunnslóð og kortlagning slíkra miða til að auðvelda veiðar, ekki síst innfjarða. Jafnframt verði athuguð hagkvæmni í veiðum botnlægra tegunda.
Gerð verði áætlun um þetta verkefni með það í huga að ljúka því á næstu fimm árum og til þess verði veitt sérstakt fjármagn úr ríkissjóði.“
Skriflegt svar óskast.
