Ferill 576. máls. Aðrar útgáfur af skjalinu: Word Perfect.
1992–93. – 1062 ár frá stofnun Alþingis.
116. löggjafarþing. – 576 . mál.
966. Fyrirspurn
til menntamálaráðherra um úrbætur í móttökuskilyrðum sjónvarps og hljóðvarps á Djúpavogi og nágrenni.
Frá Hjörleifi Guttormssyni.
Hvenær er þess að vænta að ráðin verði bót á slæmum móttökuskilyrðum fyrir sjónvarp og hljóðvarp á Djúpavogi og nágrenni?
Greinargerð.
Þann 18. mars 1993 gerði hreppsnefnd Djúpavogshrepps svohljóðandi samþykkt:
„Hreppsnefnd Djúpavogshrepps skorar á Ríkisútvarpið að sjá til þess að tengingu ljósleiðara verði hraðað þannig að sjónvarpsútsendingar í Djúpavogshreppi komist í viðunandi horf. Hreppsnefnd telur að sjónvarpsútsendingar á þessu svæði hafi verið með þeim hætti á undanförnum árum að ekki verði við svo búið lengur.
Þá telur hreppsnefnd brýnt að komið verði upp endurvarpsstöð í Álftafirði þannig að útsendingar Rásar 2 náist þar.“
Skriflegt svar óskast.