[15:02]
Forsætisráðherra (Davíð Oddsson) :
Handhafar valds forseta Íslands hafa gefið út svohljóðandi bréf:
,,Handhafar valds forseta Íslands, skv. 8. gr. stjórnarskrárinnar, forsætisráðherra, forseti Alþingis og forseti Hæstaréttar, gjöra kunnugt:
Vér höfum ákveðið, samkvæmt tillögu forsætisráðherra, að Alþingi skuli koma saman til framhaldsfunda mánudaginn 24. janúar 1994, kl. 15.00.
Davíð Oddsson.
Bréf handhafa valds forseta Íslands um að Alþingi skuli koma saman til framhaldsfunda.``
Framhaldsfundir Alþingis hefjast því á ný. Hæstv. forseta, hv. alþingismönnum, svo og starfsmönnum Alþingis, óska ég gleðilegs árs og þakka hið liða. Býð ég menn velkomna til þingstarfa og læt í ljós þá ósk og von að störf okkar megi vera landi og lýð til blessunar.
