[23:37]
Jón Helgason (andsvar) :
Hæstv. forseti. Ég verð litlu nær um það af svörum hæstv. ráðherra hvort þetta fyrirheit í samþykkt ríkisstjórnarinnar þýði nokkuð fyrir aðra. Hæstv. sjútvrh. ræddi um það að Sunnlendingar væru ekki verr settir heldur en aðrir. Ég sá hins vegar ekki betur í yfirliti sem dreift var til þingmanna í dag en að eiginfjárstaða fyrirtækja á Suðurlandi væri lakari heldur en annars staðar. Auðvitað hefur það gífurleg áhrif á rekstrarmöguleika og afkomu fyrirtækja hvernig eiginfjárstaðan er, jafnvel þótt vextir hafi lækkað eitthvað alveg nýlega.
