[14:41]
Jón Kristjánsson :
Virðulegi forseti. Ég þarf í rauninni engu við að bæta við það sem ég sagði áðan um þetta mál, en ég vil lýsa ánægju minni yfir yfirlýsingu hv. formanns þingflokks Alþfl. að það sé stuðningur í Alþfl. við málið og að hv. formaður þingflokksins hafi gengið í það og hæstv. landbrh. að leiða það til lykta. Það væri sennilega affarasælast þó ég sé ekki að ráðleggja hæstv. ríkisstjórn að fá hv. formann þingflokksins frekar í landbúnaðarmálin heldur en þá sem þar eru að berjast. En ég ætla ekki að gefa ráð í þeim efnum, vil bara ítreka að það er ánægjulegt að um þetta mál virðist vera samstaða.
