[10:47]
Valgerður Sverrisdóttir (andsvar) :
Hæstv. forseti. Ég stenst ekki þá freistingu að spyrja hv. frsm. nefndarálitsins vegna þess sem kemur fram hér á þskj. þar sem segir svo, með leyfi forseta:
,,Undirritaðir nefndarmenn sem voru og eru andstæðingar samningsins um Evrópska efnahagssvæðið geta ekki samþykkt lagasetningu af þessu tagi og munu sitja hjá við afgreiðslu málsins.``
Þess vegna langar mig að spyrja hv. þm. hvernig hún sér fyrir sér framtíðina ef Kvennalistinn kæmi til með að taka þátt í næstu ríkisstjórn. Þá er ekkert um það að ræða að sú ríkisstjórn kemur til með að þurfa að leggja fram EES-frumvörp. Mér finnst að hún og þessir tveir hv. þm. sem flytja þetta nefndarálit séu með þessu að gefa það í skyn að þeir muni aldrei geta staðið að framlagningu á EES-stjórnarfrumvörpum.