[17:41]
Landbúnaðarráðherra (Halldór Blöndal) (andsvar) :
Hæstv. forseti. Ég tók eftir því að hv. þm. tók skýrt fram að það væri enga framtíð að sjá hjá því fólki sem ynni í Áburðarverksmiðjunni né fyrir rekstur hennar. Það er auðvitað rétt að það eru blikur þar á lofti, það er verið að reyna að vinna að því að finna frekari rekstrargrundvöll eða möguleika til að halda rekstrinum áfram eða fitja upp á nýjum hlutum. Það er mikilvægt að þessi breyting nái fram að ganga til þess að skriður geti komist á þetta verk.
