Forseti (Salome Þorkelsdóttir)
:
Forseti mun ræða við hv. 4. þm. Austurl. um það erindi sem hann bar hér fram í upphafi þessarar umræðu. En forseti vill jafnframt láta þess getið að þegar blaðaauglýsingar birtust í gær um fyrirhugaðar sjónvarpsútsendingar á Sýn þá spurðist skrifstofa þingsins fyrir um það hvort hætta yrði á einhverri truflun á útsendingu frá þingfundinum en fékk þau skýlausu svör að svo yrði ekki, útsendingar frá Alþingi gengju fyrir. Því voru menn hér á Alþingi grunlausir um að nokkuð yrði gengið á rétt þingsins í þessu efni, en annað kom í ljós eins og hér hefur komið fram.
