Forseti (Salome Þorkelsdóttir) :
Borist hefur eftirfarandi bréf, sem er dagsett 13. júní 1994:
,,Til forseta Alþingis, Salome Þorkelsdóttur.
Þar sem ég tek í dag við starfi borgarstjóra í Reykjavík afsala ég mér þingmennsku frá þessum degi
að telja.
Ég þakka alþingismönnum og starfsmönnum Alþingis fyrir samstarfið og óska þeim farsældar í framtíðinni.
Við þingmennskuafsal Ingibjargar Sólrúnar Gísladóttur borgarstjóra tekur Guðrún J. Halldórsdóttir sæti hennar og verður 18. þm. Reykv. Hún hefur áður tekið sæti á Alþingi á þessu kjörtímabili og ég býð hana velkomna til starfa á ný. Kristín Einarsdóttir verður þá 10. þm. Reykv. og Kristín Ástgeirsdóttir 15. þm. Reykv.