[16:54]
Jóna Valgerður Kristjánsdóttir (andsvar) :
Virðulegi forseti. Við höfum hér heyrt að hv. varaformaður fjárln. veit hvað það er sem hann vill hafa að markmiðum við afgreiðslu og vinnu í fjárln. Eitt af því sem hann sagði hér áðan var að hann taldi þurfa að hafa það markmið við afgreiðslu fjárlaga að þar væri stuðningur við vísinda- og þróunarstarf. Og ég vil þá spyrja hv. varaformann fjárln., hvar er það skilgreint í þessu fjárlagafrv. hvernig standa á við þau markmið?