[17:05]
Jóna Valgerður Kristjánsdóttir :
Virðulegi forseti. Hér höfum við orðið vitni að því að það er verið að spyrja um reglur, bæði um tannréttingar og ferðakostnað. Eins og við hér á hinu háa Alþingi vitum er margbúið að breyta þessum lögum núna á síðustu tveimur árum. Enn þá er samt verið að fara eftir reglugerð sem var sett í febrúar 1991. Ég spyr hæstv. heilbrrh.: Hvernig í ósköpunum á fólk sem þarf að sækja til Tryggingastofnunar eftir þeim lögum sem búið er að setja á Alþingi að geta sótt rétt sinn þegar verið er að vinna eftir einhverjum eldgömlum reglugerðum sem gilda ekki lengur samkvæmt þeim lögum sem eru í gildi?
