[13:18]
Matthías Bjarnason :
Virðulegi forseti. Þessar umræður um störf þingsins hafa verið alleinkennilegar og síðasta ræða sem hæstv. umhvrh. flutti um lögmæti þess að lána út á hafbeitarfisk sem kann að koma til skila á árinu 1996 kemur mér undarlega fyrir sjónir af jafngagnmenntuðum manni og hann er. En ég spyr svo aftur í leiðinni og það skiptir máli fyrst störf þingsins eru komin út í þetta: Er þá réttlætanlegt að stærsta lánastofnun þjóðarinnar neiti algerlega um lán út á fisk sem er öruggur í kerum? Finnst umhvrh. það vera alveg sjálfsagður hlutur?
