[14:31]
Guðmundur Hallvarðsson (andsvar):
Herra forseti. Það er hvorki hræðsla né hrollvekja sem mig hrærir varðandi þetta mál heldur er staðreyndin sú að það sem ætti að standa en stendur ekki í frv. þeirra fjórmenninga, flokksbræðra minna, er það að hér ætla þeir að leggja til að erlendir aðilar eigi meiri hluta í fiskvinnslufyrirtækjum sem gæti leitt til sérstaks ástands í verðlagningu sjávarafurða. Þess vegna get ég ekki fylgt þeim félögum mínum hvað þetta mál áhrærir enda stend ég að því frv. sem ríkisstjórnin hefur lagt fram og samþykkt hefur verið í þingflokki okkar.