[prenta uppsett í dálka] 90. fundur
[16:02]
Tómas Ingi Olrich (andsvar):
Virðulegi forseti. Það sem ekki virðist hafa komist til skila í andsvari mínu til hv. þm. Kristjáns Pálssonar er að það er ekki prósentan í eignaraðildinni sem skiptir sköpum um það hvort menn hafa ráðandi stöðu í fyrirtæki eða ekki. Ég vildi þess vegna spyrja hv. þm. hvort honum sé ekki kunnugt um að menn telji sig geta haft stjórn á fyrirtæki þótt eignaraðild þeirra sé ekki meiri en 30% af fyrirtækinu. Það er einmitt vegna þess að við tengjum saman auðlindina í gegnum kvótann og eignaraðild að fiskveiðum sem við viljum fara fram af varfærni í málinu og slá varnagla við þeirri miklu eignaraðild sem lögð er til í þessu frv.
