[prenta uppsett í dálka] 92. fundur
Flm. (Ágúst Einarsson) (andsvar):
Herra forseti. Örstutt athugasemd við samanburð þessara tveggja þingmannafrumvarpa, annars vegar okkar, Þjóðvaka, og svo frv. fjórmenninganna. Þau eru alveg eins nema í öðru er talað um 20% og í hinu er talað um 49%. Í hvorugu frv. er talað um að hér sé um að ræða samanlagða beina og óbeina eignaraðild þannig að athugasemd hv. þm. varðandi okkar frv. á þá sömuleiðis við frv. hinna fjögurra sjálfstæðisþingmanna. Enda hafa þeir alltaf talað þannig í umræðunni. Hvort menn vilja svo breyta þessu í útfærslu sinni og leggja saman beina og óbeina eignaraðild verður bara að koma í ljós. En frumvörpin eru alveg skýr.
