Sólveig Pétursdóttir (andsvar):
Virðulegi forseti. Það er að sjálfsögðu alveg rétt ábending hjá hv. þm. Össuri Skarphéðinssyni að það er full ástæða til að fylgjast með þróun öryggismála í Evrópu um þessar mundir. Ég vil hins vegar nota þetta tækifæri til að minna á það að gefnu tilefni að við höfum á Norður-Atlantshafsþinginu og vafalaust á mörgum öðrum þingum, þar sem hv. þingmenn eiga aðild að mörgum alþjóðlegum ráðstefnum og fundum, að við höfum talað máli Eystrasaltsríkjanna og minnt á stöðu þeirra. Ég vil bara láta þetta koma sérstaklega fram.