[prenta uppsett í dálka] 100. fundur
Ásta R. Jóhannesdóttir (andsvar):
Herra forseti. Ég er ekki að gera lítið úr þörfinni fyrir uppbyggingu flugvalla úti á landi, heldur furða ég mig á því hvernig fé er skipt til framkvæmda á þessu ári.
Varðandi Akureyrarflugvöll og Reykjavíkurflugvöll þá held ég að Akureyringar fari líka um Reykjavíkurflugvöll alveg eins og Reykvíkingar fara um Akureyrarflugvöll. Uppbygging á flugvöllunum kemur því öllum landsmönnum til góða, ekki síst á Reykjavíkurflugvelli þar sem umferðin er mest. Og ég efast ekki um að Akureyringar jafnt sem Reykvíkingar fylgjast með þeirri umræðu sem fer fram á Alþingi um flugmál.
