Fjármálaráðherra (Friðrik Sophusson) (andsvar):
Virðulegi forseti. Það er ekki skrýtið að hv. þm. Svavar Gestsson skuli vera hissa á því að samstarfsmenn í ríkisstjórn tali vel hver um annan og verji hver annan. Hann á því greinilega ekki að venjast frá samstarfi sínu við aðra flokka í ríkisstjórn. Ég ætla ekki að orðlengja þetta frekar að öðru leyti en því að mér finnst allt í lagi að það sé rætt um vasa fjmrh. Fjmrh. eru í lagi á meðan þeir stinga höndunum í eigin vasa en geta verið hættulegir þegar þeir stinga höndunum í annarra manna vasa.