Sighvatur Björgvinsson:
Herra forseti. Mér leikur forvitni á að vita hvort það hafi verið gert í samráði við hæstv. forsrh., sem er yfirmaður Byggðastofnunar, að stjórn Byggðastofnunar hefur nú samþykkt að færa tilgreindum hópi bænda sem búsettir eru í Skagafirði, að gjöf að því er mér skilst, um það bil tíu minkalæður hverjum. Þá langar mig til að vita:
1. Í hvaða tilefni er þessi athyglisverða samþykkt gerð?
2. Hvaða skilyrði þurfa menn að uppfylla til að geta verið þessarar gjafar aðnjótandi önnur en þau að vera búsettir í Skagafirði?
3. Í hvaða tilgangi er verið að gefa mönnum tíu læður?