[prenta uppsett í dálka] 119. fundur
Guðni Ágústsson (andsvar):
Hæstv. forseti. Eitt sinn var hv. þm. Pétur Blöndal ungur og róttækur maður sem talaði fyrir því að 2% vextir, líklega útlánsvextir, væru það hámark sem atvinnulífið gæti borið. Nú segir hann að bankaráðin geti hækkað vexti en því miður, vextir á Íslandi eru of háir og valda vandræðum í atvinnulífi þannig að sitthvað stangast á.
Hafi ég sagt að maður litla mannsins hefði ekki verið til staðar í nefndinni viðurkenni ég að þeir menn sem eiga að bera hagsmuni launþega fyrir höndum voru í nefndinni. En ég hef því miður fyrir löngu fundið að þegar kemur að því að velja á milli fólksins og lífeyrissjóðanna slær hjarta verkalýðsleiðtoganna ávallt lífeyrissjóðamegin og ég held að það hafi gerst í þessu máli. Þess vegna hafi kannski þeir sem ég gat um að eru lífeyrissjóða- og hlutabréfamenn leitt fram þá niðurstöðu sem varð að veruleika.
Ég ætla ekki að fara út í útreikninga við hv. þm. enda ekki jafnreikniglöggur og hann.
