Félagsmálaráðherra (Páll Pétursson) (andsvar):
Herra forseti. Sveitarfélögin höfðu fylgst með gerð þessa frv. og þau vissu hvað í því stóð. Það lá hins vegar ekki fyrir upp á krónu hver þessi áhrif yrðu og það kemur ekki til með að liggja fyrir fyrr en lög hafa verið samþykkt í endanlegri mynd. Og þá er rétti tíminn til að ganga frá samkomulagi við sveitarfélögin um þetta.