[prenta uppsett í dálka] 128. fundur
Frsm. meiri hluta allshn. (Sólveig Pétursdóttir) (andsvar):
Virðulegi forseti. Út af þessum orðum ítreka ég að umboðsmaður barna mætti fyrir allshn. út af þessu máli og hafði að sjálfsögðu skoðanir sínar á því og fylgdi umsögn sinni úr hlaði en hún lýsti því jafnframt yfir að hún teldi þetta spor í rétta átt eins og allshn. afgreiddi málið.
Varðandi þann félagsskap sem hv. þm. minntist á áðan hef ég að sjálfsögðu fulla samúð með honum og ég skil vel þau rök sem liggja þar á bak við en engu að síður er þetta ekki sambærileg staða hjá þessu fólki og því sem getið er á þann hátt sem frv. mælir fyrir um.
