Forseti (Ólafur G. Einarsson):
Áður en gengið er til dagskrár vill forseti upplýsa hvernig ætlað er að haga fundahaldi í dag. Þar sem fundur hófst klukkustund eftir venjulegan fundartíma verður ekki gert matarhlé heldur haldið áfram til kl. 6, í lengsta lagi til 6.30. Að loknum atkvæðagreiðslum verður 5. mál, Einkaleyfi, tekið fyrir í von um að þar verði ekki langar umræður en aðalefni fundarins í dag er framhaldsskólafrv., 2. umr. Síðar í dag verður kannað hvort hægt verður að taka fyrir 7. dagskrármálið, Mannanöfn, og ljúka því og síðan eru fjögur þingmannamál sem ætlunin er að taka einnig fyrir í dag. En við sjáum hverju fram vindur.
Forseti vill geta þess líka varðandi 3. dagskrármálið, Tæknifrjóvgun, að atkvæðagreiðsluskjal á að liggja á borðum þingmanna.