[prenta uppsett í dálka] 132. fundur
Frsm. meiri hluta efh.- og viðskn. (Vilhjálmur Egilsson) (andsvar):
Hæstv. forseti. Hv. formaður félmn. hefur kannski meiri áhrif á það en ég hvernig frv. um stéttarfélög og vinnudeilur er afgreitt og getur sjálfsagt komið í veg fyrir það að viðræðuáætlanir skipti þúsundum. En fyrir hvern eru lögin? spyr hv. þm. (SJS: Þau eru fyrir ríkisstjórnina.) Og fjallar um almannahag í því sambandi. Ég verð að segja fyrir mig að ég tel að það sé í þágu almannahagsmuna t.d. að afnema æviráðninguna eins og hún hefur verið. Ég tel líka að það sé í þágu almannahagsmuna að takmarka biðlaunaréttinn eins og gert er í þessu frv. og fyrir því er ég tilbúinn að bera ábyrgð gagnvart mínum kjósendum þegar þar að kemur.
