Vilhjálmur Egilsson:
Hæstv. forseti. Ég sé ekki að neitt þurfi að stoppa málið á þessu stigi og segi því já við því að málið haldi áfram milli umræðna. Málið fer aftur í efh.- og viðskn. milli umræðna og þá getur hv. þm. Steingrímur J. Sigfússon hlýtt á málefnaleg innlegg af hálfu framsóknarfulltrúanna þar eins og þeir hafa starfað hingað til og tekið góðan þátt í umræðum og lagt þar margt gott til málanna eins og hv. þm. veit. Ég tel að það séu ákveðin hyggindi af hálfu framsóknarmanna að taka ekki þátt í málþófi við hv. þm. Steingrím J. Sigfússon.