Frsm. meiri hluta félmn. (Siv Friðleifsdóttir) (andsvar):
Herra forseti. Það er rétt að álit Lagastofnunar er ekkert heilagt plagg. Það er hins vegar það skásta sem við höfum fengið að áliti meiri hlutans í nefndinni. Við byggjum okkar breytingartillögur að miklu leyti á þeirra athugasemdum.
Það má einnig taka fram að undir þetta álit skrifar t.d. Sigurður Líndal, prófessor við Háskóla Íslands, sem mér skilst að hafi kennt vinnurétt til fjölda ára.