[prenta uppsett í dálka] 140. fundur
Ágúst Einarsson (andsvar):
Herra forseti. Hér var talað fyrir nefndaráliti sem felur í sér einhliða aðgerð til að breyta samningsstöðu við kjarasamninga einum aðila í hag, þ.e. vinnuveitendum. Þetta er ógeðfelld aðferðafræði og ég er andsnúinn þessum vinnubrögðum. Stuðningur við frv. er einungis frá samtökum vinnuveitenda.
Ég vil spyrja hv. þm. hvenær Framsfl. gat þess í kosningabaráttunni að hann hygðist standa að nýrri löggjöf um stéttarfélög og vinnudeilur í algerri andstöðu við verkalýðshreyfinguna. Framsfl. var mjög óspar á loforð í kosningabaráttunni. En hvenær gaf hann fyrirheit um þessi frumvörp og þá aðferðafræði sem liggur á bak við þau?
