[prenta uppsett í dálka] 144. fundur
Frsm. heilbr.- og trn. (Siv Friðleifsdóttir):
Herra forseti. Ég mæli fyrir hönd heilbr.- og trn. fyrir frv. til laga um breytingu á lögum um almannatryggingar, nr. 117/1993, með síðari breytingum. Í 1. gr. kemur fram að breytingin að veita styrk til kaupa á næringarefnum og sérfæði sem lífsnauðsynlegt er vegna hamlaðrar líkamsstarfsemi.
Eins og fram kemur í greinargerðinni er frv. þetta flutt þar sem nauðsynlegt er talið að lögfesta heimild Tryggingastofnunar ríkisins til að veita styrki til að kaupa næringarefni og sérfæði. Í lögum nr. 117/1993, um almannatryggingar, er ekki að finna heimild til slíkra greiðslna og hafa Tryggingastofnun ríkisins og tryggingaráð óskað eftir því við heilbr.- og trmrh. að hann beiti sér fyrir lagabreytingu þessa efnis. Heilbr.- og trn. hefur að ósk ráðherra ákveðið að flytja slíkt frv.
Það er fullt samkomulag í nefndinni um að flytja þetta mál og þarfnast þetta ekki fleiri skýringa við.
