[prenta uppsett í dálka] 146. fundur
Bryndís Hlöðversdóttir:
Herra forseti. Verði frv. sem hér er til umræðu samþykkt sem lög frá Alþingi, þá yrðu það söguleg tíðindi því með því verður í fyrsta sinn tekið það skref að setja lög um samskipti aðila vinnumarkaðarins fullkomlega í andstöðu við gervalla verkalýðshreyfinguna í landinu. Ríkisstjórn Davíðs Oddssonar tekur sér það hlutverk að hlutast freklega til um innri málefni stéttarfélaga. Hún tekur sér það hlutverk að nýta sér þann meiri hluta sem hún hefur á hinu háa Alþingi og valtra yfir verkalýðshreyfinguna. Hún hefur rofið grið við verkalýðshreyfinguna og þar með ógnað friði á vinnumarkaði. Hún hefur valið að þjónusta atvinnurekendur og hunsa launafólk og samtök þess. Stjórnarandstaðan hefur haldið þeirri kröfu stíft á lofti að frv. skuli vísað til ríkisstjórnarinnar þar sem því verði komið í eðlilegan samráðsfarveg. Það er eina skynsamlega lausnin út úr þessu ótrúlega klúðri hæstv. ríkisstjórnar. Ég segi já.
