Svavar Gestsson:
Virðulegi forseti. Ég styð að sjálfsögðu þetta mál eins og það liggur fyrir en kvaddi mér hljóðs til að taka undir þær atkvæðaskýringar sem komu fram fyrr í atkvæðagreiðslunni um að þessi afgreiðsla er auðvitað hvergi nærri fullnægjandi miðað við þau hátimbruðu fyrirheit sem Framsfl. gaf fyrir síðustu kosningar varðandi greiðsluaðlögun og greiðsluvanda húsbyggjenda og skuldugra einstaklinga á Íslandi. Það er nauðsynlegt að draga það fram að með þessari afgreiðslu hefur Framsfl. ekki kvittað fyrir þau loforð sem hann gaf kjósendum í síðustu kosningum.