[prenta uppsett í dálka] 151. fundur
Margrét Frímannsdóttir (andsvar):
Virðulegi forseti. Það er kannski ekki svo mikil ástæða til svars þar sem hv. þm. kom hér aðeins upp til þess að staðfesta sinn eigin skilning á því hvar landvarslan ætti að vera. En ég er sammála því að verkþátturinn getur og á e.t.v. að heyra undir landbrn. en rannsóknir og eftirlit með landgræðsluþættinum og uppgræðslu á að vera annars staðar. Það er með öllu óeðlilegt að það sé sama stofnunin sem ákveður í hvaða verk skuli farið á sviði uppgræðslu og landvörslu, fari síðan með framkvæmdina og taki sjálf út árangurinn að verkinu loknu. Þetta er óeðlilegt fyrirkomulag í hvaða stofnun sem er.
