Kristín Ástgeirsdóttir:
Hæstv. forseti. Með því að lögfesta þetta frv. er ríkisstjórnin að efna til ófriðar á vinnumarkaði. Þessi lög eru sett í andstöðu við vilja verkalýðshreyfingarinnar en vekja fögnuð í Garðastrætinu sem segir sína sögu. Þessi lög eru stefnulaus hrærigrautur sem munu ekki koma að neinu gagni við að bæta samskipti og vinnubrögð við samningagerð vegna þess að þau eru í óþökk annars aðilans sem á að vinna eftir þeim. Það á að vera hlutverk ríkisvaldsins að stuðla að samvinnu, friði og jafnvægi í samfélaginu. Hér er gengið í þveröfuga átt. Þessi lög eru slys, hæstv. forseti. Ég segi nei.