Samgönguráðherra (Halldór Blöndal):
Herra forseti. Samkvæmt 2. gr. hefur stjórn Pósts og síma hf. heimild til þess að greina starfsemi Pósts og síma sundur í tvo þætti t.d., póstþátt og fjarskiptaþáttinn, hvað sem það á að heita, og er það alveg skýrt samkvæmt 2. mgr. 2. gr. og yrðu þá bæði félögin alfarið í eigu Póst- og símamálastofnunar hf. sem yrði þá væntanlega eignarhaldsfélag. Hvernig sem á því máli yrði annars haldið þá mundi ríkið alfarið eiga hlutaféð. Þetta er hv. þm. vel kunnugt.
Hv. þm. er líka vel kunnugt hvernig haldið verður á málum á aðalfundi enda lögfræðingur. Það er samgrh. sem fer með hlutafjáreign ríkisins.