Hjörleifur Guttormsson:
Virðulegi forseti. Hér er eitt af þessum úreltu ákvæðum frá því fyrir 25 árum. Ég vek athygli á því hverju er verið að stilla Alþingi upp fyrir í sambandi við almannarétt í landinu þar sem stendur í 2. málsl. greinarinnar:
,,Gangandi fólki er því aðeins heimil för um eignarlönd manna að þau séu óræktuð og ógirt og dvöl manna þar hafi ekki í för með sér ónæði fyrir búpening né óhagræði fyrir rétthafa að landinu. Sé land girt þarf leyfi landeiganda til að ferðast um það eða dveljast á því. Það sama gildir um ræktuð landsvæði.``
Ég spurði hæstv. umhvrh. við umræðuna hvenær maður veit hvort hann er innan eða utan girðingar í þessu landi. Ég held að það verði fátt um svör.