[prenta uppsett í dálka] 30. fundur
[14:23]
Þuríður Backman:
Virðulegi forseti. Í svari samgrh. kom fram að helsti þröskuldurinn við að koma Egilsstaðaflugvelli í gagnið sem varaflugvelli í millilandaflugi er sá að það vantar auknar birgðir af flugvélaeldsneyti. En það þarf meira til. Það þarf að ljúka við flugvallarbygginguna og koma henni sem allra fyrst í gagnið og eins að koma á veðurathugunum við flugvöllinn. Flugvöllurinn sjálfur er stórt og mikið mannvirki og það er því dýrt að láta hann standa án þess að fullnýta hann sem varaflugvöll í millilandaflugi. Því hvet ég hæstv. samgrh. til að líta á alla þá þætti sem þurfa að vera til staðar til þess að koma vellinum í gagnið sem allra fyrst sem varaflugvelli í millilandaflugi.
