[prenta uppsett í dálka] 33. fundur
[12:11]
Pétur H. Blöndal (andsvar):
Herra forseti. Hv. þm. sagði að það mundi breyta stöðu fyrirtækja að taka af þeim lífeyrisskuldbindingar. Að sjálfsögðu breytir það stöðu fyrirtækja ekki neitt. Skuldbindingarnar eru til staðar, þær hafa bara ekki verið færðar þannig að það breytir engu fyrir stöðu fyrirtækjanna að færa skuldbindingarnar. Það er einungis verið að sýna það sem er raunverulega til staðar.
