[prenta uppsett í dálka] 34. fundur
[13:27]
Guðný Guðbjörnsdóttir (andsvar):
Herra forseti. Hér erum við bara að tala um það, hæstv. sjútvrh., að opna umræðu um þetta mál og ég legg áherslu á það. Það getur vel verið að niðurstaðan verði sú að til að byrja með yrði gjaldið ekkert miklu hærra en það gjald sem útgerðin greiðir í dag og þá yrði alls enginn viðbótarkostnaður. Við skulum bara gera okkur grein fyrir því.
Mér finnst athyglisverðast í umræðunni að ekki megi taka málið á dagskrá. Með tillögunni er fyrst og fremst verið að biðja um að þessi mál verði athuguð og ég lýsi enn og aftur því yfir mér dettur ekki í hug að svara því hvort þessi eða hin útfærsla sé réttlát og ekki. Þessi mál verða að skoðast í heild.
