[prenta uppsett í dálka] 39. fundur
[15:37]
Samgönguráðherra (Halldór Blöndal) (andsvar):
Herra forseti. Í þeim tillögum sem hv. þm. Jón Baldvin Hannibalsson lagði fyrir ríkisstjórnina var gert ráð fyrir því að fé af flugmálaáætlun rynni til þess að greiða hallann af flugstjórnarbyggingunni á Keflavíkurflugvelli og það var um það sem við vorum að tala. En ég sé að hv. þm. Steingrímur Sigfússon sem var samgrh. í --- hvað á ég að segja, í tíð hinnar saklausu ríkisstjórnar sem enginn blettur hefur fallið á, ríkisstjórnar Steingríms Hermannssonar, er greinilega andsnúinn þeim hugmyndum sem fyrrv. utanrrh. Jón Baldvin Hannibalsson var með.
