[prenta uppsett í dálka] 43. fundur
[15:16]
Samgönguráðherra (Halldór Blöndal):
Herra forseti. Ég skil satt að segja ekki þetta uppþot. Það er rétt sem hv. 15. þm. Reykv., Össur Skarphéðinsson, sagði hér áðan að síðasta ríkisstjórn tók á þessum málum. Og eins og fram kom í máli hæstv. heilbrrh. þá verður því fylgt eftir sem síðasta ríkisstjórn gerði á næsta ári. Ég hygg þess vegna að það uppþot sem hér hefur orðið í þingsal sé að ástæðulausu.
