[prenta uppsett í dálka] 46. fundur
[12:12]
Kristján Pálsson (andsvar):
Herra forseti. Já. Þingið getur breytt þessu ef það kærir sig um. Þetta er rétt. (Gripið fram í: Rangt, segir hv. formaður landbn.)
(Forseti (GÁS): Hljóð í salinn.)
Við heyrum í hæstv. landbrh. á eftir en ég segi já. Löggjafarvaldið hefur ekki samþykkt þetta vísitöluákvæði og fjárveitingavaldið er í höndum löggjafarvaldsins. Framkvæmdarvaldið hefur annars vegar gert samning og löggjafarvaldið (GÁ: Því ber að standa við samninginn.) hefur tekið þetta ákvæði út. Það verður að samþykkja fjárlögin á Alþingi við umræður um fjárlög hverju sinni og þar verður að taka þetta sérstaka ákvæði með. Öðruvísi verður þetta ekki samþykkt.
